ޑޮމެސްޓިކް އެއާޕޯޓްތަކުގެ ހާލަތު އެމްއޭސީއެލްއިން ރަނގަޅުކުރަނީ
މިހާރު
7 ސެޕްޓެމްބަރު 2025 | އާދިއްތަ | 12:50
އެމްއޭސީއެލްގެ ދަށަށް މިހާރު ބަދަލުކޮށްފައިވާ، ކުރިން ރީޖަނަލް އެއާޕޯޓްސްގެ ދަށުން ހިންގި ޑޮމެސްޓިކް އެއާޕޯޓުތަކުގެ ހާލަތު ދެނެގަނެ، އެ ތަންތަނަށް ބަދަލު ގެނައުމުގެ މަސައްކަތް އެމްއޭސީއެލްއިން ފަށައިފި އެވެ.
އެމްއޭސީއެލްއިން މިއަދު ނެރުނު ނޫސްބަޔާނެއްގައި ބުނީ އެ ކުންފުނިން ހަވާލުވެފައިވާ ޑޮމެސްޓިކް އެއާޕޯޓްތަކުގެ ހާލަތު ދެނެގަނެ, ހަރުދަނާ ކުރުމުގެ މަސައްކަތް ފަށާފައިވާ ކަމަށެވެ.
އެ ކުންފުނީގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދު އިސްކޮށް ހުންނަވައިގެން ފެށްޓެވި އެ މަސައްކަތުގެ ދަށުން ރާއްޖޭގެ 9 ޑޮމެސްޓިކް އެއާޕޯޓަކަށް އެ ކުންފުނީގެ އެކްސްކޯގެ ބޭފުޅުންނާއި ޓެކްނިކަލް ޓީމުން ޒިޔާރަތްކޮށް, އެއާޕޯޓްތަކުގެ ހާލަތު ބަލައި އަދި ހަރުދަނާކުރުމަށް ކުރަން ޖެހޭ ކަންކަން ފާހަގަކުރާނެ ކަމަށް އެމްއޭސީއެލްއިން ބުންޏެވެ.