ޔޫތު އެކްސްޗޭންޖް ޕްރޮގްރާމަށް 11 ސްކޫލެއްގެ ދަރިވަރުން ޗައިނާއަށް
މިހާރު
8 ސެޕްޓެމްބަރު 2025 | ހޯމަ | 11:55
ޗައިނާގައި ބާއްވަން ހަމަޖެހިފައިވާ "ޗައިނާ ޔޫތު އެކްސްޗޭންޖް ޕްރޮގްރާމް 2025" ގައި ބައިވެރިވުމަށް ރާއްޖޭގެ 11 ސްކޫލެއްގެ ދަރިވަރުން މާދަމާ އެ ގައުމަށް ފުރާ ގޮތަށް ހަމަޖެހިއްޖެ އެވެ.
މާދަމާއިން ފެށިގެން އަންނަ ހުކުރު ދުވަހުގެ ނިޔަލަށް ބާއްވާ އެ ޕްރޮގްރާމް އޮންނާނީ ޗައިނާގެ ސިޗުއާން ޕްރޮވިންސްގަ އެވެ.
އެޑިޔުކޭޝަން މިނިސްޓްރީން ބުނީ އެ ދަތުރަކީ މިނިސްޓްރީގެ އެދުމަކަށް ޗައިނާ އެމްބަސީން ހަމަޖައްސައިދީފައިވާ ދަތުރެއް ކަމަށެވެ. އެ ދަތުރުގެ ހުރިހާ ހަރަދަކާއި އިންތިޒާމްތައް ހަމަޖައްސާފައިވަނީ ވެސް ޗައިނާ އެމްބަސީންނެވެ.