ފަވާދު ޚާންގެ ބޮލީވުޑް ފިލްމު އިންޑިއާ ނޫން އެހެން ގައުމުތަކުގައި ރިލީޒްކުރަނީ
މިހާރު
8 ސެޕްޓެމްބަރު 2025 | ހޯމަ | 1:11
ޕާކިސްތާނުގެ މަޝްހޫރު އެކްޓަރު ފަވާދު ޚާން ބޮލީވުޑަށް އެނބުރި އަންނަން ކުޅުނު ފިލްމު "އަބީރް ގުލާލް" އިންޑިއާ ނޫން އެހެން ގައުމުތަކުގައި ރިލީޒްކުރަން ނިންމައިފި އެވެ.
"އަބީރް ގުލާލް" ރިލީޒްކުރަނީ އަންނަ ހުކުރު ދުވަހު އެވެ. އެ ފިލްމު އިންޑިއާ ނޫން 75 ގައުމެއްގެ ސިނަމާތަކުގައި ދައްކާ ގޮތަށް ވަނީ ހަމަޖެހިފަ އެވެ.
އެ ފިލްމުގެ ޕްރިމިއާ އިވެންޓް މިދިޔަ މަހު 29 ގައި ވަނީ ޔޫއޭއީގައި ބާއްވައިފަ އެވެ. އަދި ޕާކިސްތާނުގެ ސިނަމާތަކުގައި ހަމަ އެ ދުވަހު އެ ފިލްމު ދައްކަން ވަނީ ފަށައިފަ އެވެ.