ފަހު ވަގުތު އިޒްރޭލް އަތުން އިޓަލީ ސަލާމަތްކޮށްދިނީ ޓޮނާލީ
މިހާރު
9 ސެޕްޓެމްބަރު 2025 | އަންގާރަ | 10:22
ވޯލްޑް ކަޕް ކޮލިފައިންގައި ރޭ ސަންދްރޯ ޓޮނާލީ އިތުރު ވަގުތު ޖެހި ގޯލާ އެކު، އިޒްރޭލުގެ މައްޗަށް އިޓަލީން 5-4 އިން ކުރި ހޯދައިފި އެވެ.
އިޒްރޭލުގެ ހޯމް މެޗެއް ނަމަވެސް ނިއުޓްރަލް ވެނޫއެއް ކަމަށްވާ ހަންގޭރީގައި ކުޅުނު މި މެޗުން މޮޅުވުމުން އިޓަލީ އަށް ވަނީ ގްރޫޕުގެ ދެ ވަނަ ލިބިފަ އެވެ. އެ ޓީމާއި އިޒްރޭލަށް ނުވަ ޕޮއިންޓް ލިބިފައިވާއިރު، އިޓަލީ އަށް ކުރި ލިބެނީ ލަނޑުގެ ތަފާތުންނެވެ. އެއް ވަނައިގައި އޮތީ 12 ޕޮއިންޓާ އެކު ހަންގޭރީ އެވެ. ގްރޫޕުގެ ހަތަރު ވަނައިގައި ތިން ޕޮއިންޓާ އެކު އެސްޓޯނިއާ އޮތްއިރު، ފުލުގައި ޕޮއިންޓެއް ނުލިބި އޮތީ މޯލްޑޮވާ އެވެ.
ވޯލްޑް ކަޕުން ސީދާ ޖާގައެއް ލިބޭނީ ގްރޫޕުގެ އެއް ވަނަ ޓީމަށެވެ. ދެ ވަނަ ޓީމަށް ޖެހޭނީ ޕްލޭއޮފް ކުޅޭށެވެ.