މުސްލިމުން ގޯސްކޮށް "ކަޝްމީރް ފައިލްސް" ހެދި ޑައިރެކްޓަރަށް މިފަހަރު ބޮޑު ނާކާމިޔާބީއެއް!
މިހާރު
10 ސެޕްޓެމްބަރު 2025 | ބުދަ | 11:27
މުސްލިމުން ގޯސްކޮށް "ދަ ކަޝްމީރް ފައިލްސް"ގެ ނަމުގައި ފިލްމެއް ގެނެސްދިން އިންޑިއާގެ ޑައިރެކްޓަރު ވިވެކް އަގްނިހޯތުރީގެ އާ ފިލްމު "ދަ ބެންގޯލް ފައިލްސް"އަށް ބޮޑު ނާކާމިޔާބީއެއް ލިބިއްޖެ އެވެ.
ރިޕޯޓްތައް ބުނި ގޮތުގައި، މިދިޔަ ހުކުރު ދުވަހު ރިލީޒްކުރި އެ ފިލްމަށް ބޮކްސް އޮފީހުގައި އަދި ލިބުނީ އެންމެ ނުވަ ކްރޯޑް ރުޕީސް އެވެ. އަދި ދުވަހެއް ދުވަހަކަށް ފިލްމަށް ލިބޭ އާމްދަނީ ދަނީ ދަށްވަމުންނެވެ. މިއީ 50 ކްރޯޑް ރުޕީސްގެ ބަޖެޓަކުން ހެދި ފިލްމަކަށް ވާއިރު، ހަރަދު ރިކަވާ ނުކުރެވޭނެ ކަމަށް އެނަލިސްޓުން މިހާރު ވަނީ ލަފާކޮށްފަ އެވެ.
ހިޔާލީ ވާހަކައަކަށް ބިނާކޮށް "ދަ ކަޝްމީރް ފައިލްސް"ގެ ނަމުގައި 2022 ވަނަ އަހަރު ވިވެކް ގެނެސްދިން ތުރިލާ ފިލްމަކީ ނުވަދިހައިގެ އަހަރުތަކުގައި ކަޝްމީރުގައި ދިރިއުޅުނު ހިންދޫންގެ މީހުންތަކަކަށް ދިމާވި އަނިޔާވެރި ކަންތައްތަކެއް ދެއްކި ފިލްމެކެވެ. އެއީ، ހަރުކަށި ފިކުރުގެ މުސްލިމުންތަކެއް ހިންދޫ އާއިލާއެއްގެ ދެމަފިރިން މަރާލުމުން ދިމާވާ ކަންތައްތަކެކެވެ.