ސްކައުޓް އޮފީސް ހިންގަން އިމާރާތެއް ހަމަޖައްސައިދޭނަން: މިނިސްޓަރު
މިހާރު
12 ސެޕްޓެމްބަރު 2025 | ހުކުރު | 7:37
ކުރީގެ އަރަބިއްޔާ ސްކޫލުގައި ހިންގަމުން އައި ސްކައުޓް އެސޯސިއޭޝަންގެ އޮފީސް ހިންގުމަށް އިމާރާތެއް އެޑިޔުކޭޝަން މިނިސްޓްރީން ހަމަޖައްސައިދޭނެ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.
އަރަބިއްޔާ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި، ގެއްލުން ވެފައި ހުރުމުން 2022 ވަނަ އަހަރު ޖެނުއަރީ މަހުން ފެށިގެން ވަނީ އެ އިމާރާތުގައި ކިޔަވައިދިނުން ހުއްޓާލައިފަ އެވެ. އެ އިމާރާތް ތަޅާލުމުގެ މަސައްކަތް ފެށުމަށް މިހާރު އިމާރާތުގައި ހުރި މުދާތައް ހުސްކުރަން ފަށައިފަ އެވެ.
އެހެންވެ ސްކައުޓްގެ އިދާރާ ބަންދުކޮށް، ހުސްކުރަން ވެސް ވަނީ އަންގައިފަ އެވެ. އަދި އެ އިމާރާތުގައި ގުދަން ކޮށްފައިހުރި މިނިސްޓްރީގެ ސާމާނުތަކާއި އިލެކްޝަން ކޮމިޝަންގެ ސާމާނުތަކުގެ އިތުރުން ކެޑޭޓް އޮފީސް ވެސް ހުސްކުރުމުގެ މަސައްކަތް މިހާރު އަންނަނީ ކުރަމުންނެވެ.