ވަގު ސެޓްފިކެޓް ހުއްޓުވަން އެމްކިއުއޭގެ ލިޔުންތައް އެޓެސްޓް ކުރުމުގެ ބާރު އެމްކިއުއޭއަށް ނަގައިފި
މިހާރު
11 ސެޕްޓެމްބަރު 2025 | ބުރާސްފަތި | 4:26
ވަގު ސެޓްފިކެޓްތަކުގެ މައްސަލަ ހައްލު ކުރުމަށްޓަކައި، މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ދޫކުރާ ލިޔުންތަކުގެ އަސްލާ އެއްގޮތްކަމުގެ ތައްގަނޑު ޖެހުން (އެޓެސްޓް) ކުރުމުގެ ބާރު ހަމައެކަނި އެމްކިއުއޭއަށް އޮންނަ ގޮތަށް ހަމަޖައްސައިފި އެވެ.
ފޭކް ސެޓްފިކެޓް ހުށަހަޅާ މައްސަލަތައް މިފަހަކަށް އައިސް ވަނީ ވަރަށް ބޮޑަށް އާންމުވެފައިވެ އެވެ. އޭގެ ބައެއް މައްސަލަތައް ފުލުހަށް ވެސް ވަނީ ހުށަހަޅައިފަ އެވެ. މީގެކުރިން އެމްކިއުއޭ އާއި ދައުލަތުގެ އެހެން އިދާރާތަކުން ވެސް ދޫކުރާ ތައުލީމީ ލިޔުންތައް ވަކީލުންނާއި ލޯފާމްތައް މެދުވެރިކޮށް އެޓެސްޓް ކުރެވެ އެވެ.
ނަމަވެސް އެމްކިޔުއޭއިން އިއްޔެ ވަނީ އެ އޮތޯރިޓީން ދޫކޮށްފައިވާ ލިޔުންތަކުގައި އަސްލާ އެއްގޮތްކަމުގެ ތައްގަނޑު ޖެހޭނީ ހަމައެކަނި އެ އޮތޯރިޓީއަށް ކަމަށް ބަޔާންކޮށް، އެކަމާބެހޭ އުސޫލެއް ނެރެފަ އެވެ.