އިންޑިއާއިން މޮރިޝަސް އަށް 680 މިލިއަން ޑޮލަރުގެ އެހީ
މިހާރު
12 ސެޕްޓެމްބަރު 2025 | ހުކުރު | 2:43
އިންޑިއާއިން މޮރިޝަސްގެ އިގްތިސާދީ ކަންކަމަށް އެހީވުމުގެ އެކި ދާއިރާތަކަށް 680 މިލިއަން ޑޮލަރު ހޭދަކުރަން ނިންމައިފި އެވެ.
އިންޑިއާ ކަނޑުގެ ކޮންޓްރޯލް ފުޅާކުރުމަށް އެކި ގޮތްގޮތުން މަސައްކަތްކުރަމުން އަންނަ އިންޑިއާއިން މޮރިޝަސްގެ ސިއްހީ ދާއިރާ އާއި އިންފްރާސްޓްރަކްޗާ އާއި މެރިޓައިމް ސެކިއުރިޓީ ޕްރޮޖެކްޓްތަކަށް ވެސް މި ޕެކޭޖްގެ ތެރެއިން އެހީވާން އިއްޔެ އެއްބަސްވެ އެކަން އިއުލާނުކުރީ މޮރިޝަސްގެ ބޮޑުވަޒީރު ނަވިންޗަންދުރާ ރަމްގޫލަމް އިންޑިއާއަށް ކުރެއްވި ދަތުރުގެ ތެރޭގައި އިންޑިއާގެ ބޮޑުވަޒީރު ނަރެންދުރަ މޯދީ އެވެ.
ހިލޭ އެހީ އާއި ލައިން އޮފް ކްރެޑިޓްގެ ގޮތުގައި ދޭ މި އެހީގައި އެމެރިކާ އާއި އިނގިރޭސި ވިލާތުގެ އަސްކަރީ މަރުކަޒު ހުންނަ ޗާގޯސްގެ ކަނޑުގެ ސަރަހައްދުން ހިމާޔަތްކޮށްފައިވާ ސަރަހައްދު ބެލެހެއްޓުމަށް ކުރާ ހޭދަ ވެސް ހިމެނެ އެވެ.