މި ސަރުކާރުން ރިޔާސީ ދައުރު ދަންމާނުލާނެ ކަމަށާއި ރިފަރެންޑަމް ބިލުން ކުރަން އުޅޭ ކަމަކީ މުހިއްމު ކަންކަމުގައި ރައްޔިތުންގެ ހިޔާލުހޯދުން ކަމަށް ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ފަލާހް މިއަދު ވިދާޅުވެއްޖެ އެވެ.

މަޖިލީހުގެ މިނިވަން މުއައްސަސާތަކުގެ ކޮމިޓީން ރިފަރެންޑަމް ބިލު ދިރާސާކޮށް، އެކުލަވާލި ރިޕޯޓަށް މަޖިލީހުގެ މިއަދުގެ ޖަލްސާގައި ކުރި ބަހުސްގައި ފަލާހު ވިދާޅުވީ ރިފަރެންޑަމް ބިލުގައި ރައްޔިތުންގެ ހިޔާލު ހޯދުން ނޫން އެހެން ކަމެއް ނެތް ކަމަށެވެ. ބިލުން ހިޔާލު ހޯދާނެ ކަންތައްތަކުގެ މިސާލެއްގެ ގޮތުގައި އޭނާ ދެއްކެވީ ހަނިފަރު ބޭ ސަރަހައްދުގައި ހިމެނޭ ބ.ދޮންފަހު ބިން ހިއްކުމުގެ މައްސަލަ އެވެ.

އޭނާ ވިދާޅުވި ގޮތުގައި މަޖިލީހުގެ ސުޕަ މެޖޯރިޓީ އޮތް ޕީއެންސީގެ ޕާލަމެންޓްރީ ގްރޫޕުން ދައުރު ދަންމަން ތާއީދެއް ނުކުރާނެ އެވެ.

މައުޟޫޢުތަށް