ހުޅުމާލެ ޗެނަލް ޕާކުގައި އިންޖީނުލީ އުޅަނދު ދުއްވުން މަނާ ކޮށްފި
މިހާރު
15 ސެޕްޓެމްބަރު 2025 | ހޯމަ | 4:23
ހުޅުމާލެ 1 އާއި ހުޅުމާލެ 2 ގުޅުވައިދޭ ހުޅުމާލެ ޗެނަލް ޕާކު މޫދުގައި އިންޖީނުލީ އުޅަނދު ދުއްވުން އެޗްޑީސީން މަނާކޮށްފި އެވެ.
ހުޅުމާލެ 1 ގައި މޫދު ކުޅިވަރު ކުޅޭ ސަރަހައްދާ ކައިރީ އޮންނަ އެ ތަނުގައި މޫދު ކުޅިވަރު ކުޅުމަށް ގެންގުޅޭ، ޖެޓްސްކީ އާއި އެހެން ވެސް މޫދުގައި ދުއްވާ އުޅަނދުތައް ބޭނުންކުރެ އެވެ.
އެޗްޑީސީން މިއަދު ކުރި އިއުލާނެއްގައި ބުނީ، ޗެނަލް ޕާކު ބްރިޖަކީ ކުޑަކުދިންނާއި ބޮޑެތި މީހުން ހިމެނޭ ގޮތަށް ގިނަ އަދަދެއްގެ މީހުން މޫދަށް އެރުމަށް ބޭނުންކުރާ ސަރަހައްދެއް ކަމަށާއި އެ ތަނުގައި އެ ކުންފުނީގެ ފަރާތުން މުރަކަ އާލާކުރުމުގެ މަސައްކަތް ވެސް ކުރާ ކަމަށެވެ.