ކުޅުދުއްފުށީގައި އެމްޕީއެލްއިން ޔަމަހާ ސާވިސް ސެންޓަރެއް ހަދަނީ
މިހާރު
15 ސެޕްޓެމްބަރު 2025 | ހޯމަ | 7:37
ކުޅުދުއްފުށީ ސިޓީ ޕޯޓުގައި ޔަމަހާގެ ސާވިސް ސެންޓަރެއް ހެދުމަށް އެމްޕީއެލްއިން އެލިއާ އިންވެސްޓްމަންޓާއެކު މިއަދު ސޮއިކޮށްފި އެވެ.
މިއަދު އެމްޕީއެލްގައި ބޭއްވި ރަސްމިއްޔާތެއްގައި އެ އެއްބަސްވުމުގައި އެމްޕީއެލްގެ ފަރާތުން ސޮއިކުރެއްވީ ކުންފުނީގެ ސީއީއޯ މުހައްމަދު ރިޝްވާނެވެ. އަދި އެލިއާ އިންވެސްޓްމަންޓްގެ ފަރާތުން ސޮއިކުރެއްވީ ކުންފުނީގެ މެނޭޖިން ޑިރެކްޓަރު އަލާއު އަލީ އެވެ.
އެ އެއްބަސްވުމާ ގުޅޭގޮތުން އެމްޕީއެލްގެ ސީއީއޯ މުހައްމަދު ރިޝްވާން ވިދާޅުވީ ރާއްޖޭގެ އެކި ކަންކޮޅުތަކުގައި އެ ކުންފުނީގެ ޕޯޓުތައް އިތުރުވުމުން ބައެއް މަސައްކަތްތަކުގެ ތެރޭގައި ލޮޖިސްޓިކް މަސައްކަތްތައް ފެށުމާއި ކަނޑާއި ގުޅިފައިވާ މަސައްކަތް ފުޅާކުރުން ހިމެނޭ ކަމަށެވެ. އެގޮތުން އެ އެއްބަސްވުމަކީ ކުޅުދުއްފުށީގައި ހަދާ ޑޮކްޔާޑާ އެކު ތަރައްގީކުރަން ހަމަޖެހިފައިވާ ތަނެއް ކަމަށް ވިދާޅުވި އެވެ.