އިޒްރޭލުގެ ޖަރީމާ ހުއްޓުވަން ސިޔާސީ އަދި އިގްތިސާދީ ފިޔަވަޅު އަޅަން ރައީސް ގޮވާލައްވައިފި
މިހާރު
15 ސެޕްޓެމްބަރު 2025 | ހޯމަ | 9:40
އިޒްރޭލުން ހިންގަމުންދާ ލާއިންސާނީ ޖަރީމާތައް ހުއްޓުވައި، ބައިނަލްއަގުވާމީ ގާނޫނުތަކަށް ބޯލަނބަން މަޖުބޫރު ކުރުވުމަށްޓަކައި އިޒްރޭލާ ދެކޮޅަށް ސިޔާސީ އަދި އިގުތިސާދީ ގޮތުން ދަތިކުރުމުގެ ފިޔަވަޅު އަޅަން ރައީސް ޑރ. މުހައްމަދު މުއިއްޒު މިއަދު ގޮވާލައްވައިފި އެވެ.
މި މަހުގެ 9 ވަނަ ދުވަހު ގަތަރުގެ ދޯހާ އަށް އިޒްރޭލުން ދިން ހަމަލާއާ ގުޅިގެން، ގަތަރުގައި މިއަދު ބޭއްވި އަރަބި-އިސްލާމިކް އިމަޖެންސީ ސަމިޓުގައި ތަގުރީރު ކުރައްވަމުން، ރައީސް ވިދާޅުވި ގޮތުގައި، ފަލަސްތީނުގެ ޣައްޒާގައި ސުލްހަ ގާއިމު ކުރުމަށް މެދުވެރިއެއްގެ ދައުރު އަދާކުރަމުންދާ ގަތަރަށް ހަމަލާ ދިނުމަކީ، އިޒްރޭލުން ސުލްހަ ބޭނުންނުވާކަމުގެ ސާފު ދަލީލެކެވެ.
"އިޒްރޭލުން ދޯހާއަށް ހަމަލާ ދިނުމުގެ ބޭނުމަކީ، ސީދާ ސުލްހައަށް ހަމަލާދީ، މެދުވެރިއެއްގެ ދައުރަށް ހުރަސްއަޅައި، މުޅި ސަރަހައްދު އިތުރު ހަމަނުޖެހުމެއްގެ ތެރެއަށް ވައްޓާލުން،" އެ މަނިކުފާނު ވިދާޅުވި އެވެ.