އިޒްރޭލާ ގުޅުން ބޭއްވުމާ މެދު އަލުން ވިސްނަން އަރަބި/އިސްލާމީ ގައުމުތަކުން ގޮވާލައިފި
މިހާރު
16 ސެޕްޓެމްބަރު 2025 | އަންގާރަ | 7:02
އިޒްރޭލާ އެކު ބާއްވާ އެކި ގުޅުންތަކާ މެދު އަލުން ވިސްނައި މުރާޖައާކުރުމަށް އިސްލާމީ އަދި އަރަބި ގައުމުތަކުގެ ވެރިން ގޮވާލައްވައިފި އެވެ.
ހަމާސްގެ ލީޑަރުންނަށް އަމާޒުކޮށް އިޒްރޭލުން ގަތަރުގެ ވެރިރަށް ދޯހާގައި މިދިޔަ ހަފްތާގައި ދިން ހަމަލާއާ ގުޅިގެން ދޯހާގައި ބޭއްވި އަރަބި/އިސްލާމީ ގައުމުތަކުގެ ވެރިންގެ ކުއްލި ބައްދަލުވުމަށް ފަހު ނެރުނު ގުޅިފައިވާ ބަޔާނުގައި ވަނީ އިޒްރޭލުން ފަލަސްތީނުގެ ރައްޔިތުންނާ މެދު ހިންގަމުންދާ ލާއިންސާނީ އަމަލުތަކާ ދެކޮޅަށް އެޅެން ހުރި ހުރިހާ ފިޔަވަޅެއް އެޅުމަށް އެދިފަ އެވެ.
ގާތްގަނޑަކަށް 60 ގައުމަކުން ބައިވެރިވި ބައްދަލުވުމަށް ފަހު ނެރުނު ބަޔާނުގައި އިޒްރޭލާ އެކު ޑިޕްލޮމެޓިކް ގުޅުން ބޭއްވުމާ މެދު އަލުން ވިސްނުމަށާއި ގާނޫނީ ގޮތުން އެޅެން ހުރި ފިޔަވަޅުތަކަކީ ކޮބައިތޯ ބަލައި އެކަންކަން ކުރުމަށް ވެސް ގޮވާލާފައިވެ އެވެ.