ދިވެހިރާއްޖޭގެ ނޭޝަނަލް ސާވިސް ޕްރޮގްރާމްގެ ފުރަތަމަ ބެޗުގެ ބައިވެރިން ތަމްރީނަށް މިއަދު ފުރައިފި އެވެ. ރައީސް ޑރ. މުހައްމަދު މުއިއްޒު އިއުލާން ކުރެއްވި ނޭޝަނަލް ސާވިސް ޕްރޮގްރާމަކީ ހުޅުވާލީ އުމުރުން 16 އަހަރާއި 28 އަހަރާއި ދެމެދުގެ ޒުވާނުންނަށް ހާއްސަކޮށްގެން އިއުލާންކުރި ޕްރޮގްރާމެކެވެ. މިދިޔަ އޭޕްރީލް މަހު ހުޅުވާލި ފުރުސަތުގައި ޖުމްލަ 1،244 ޒުވާނުން އެ ޕްރޮގްރާމްގައި ބައިވެރިވާން ކުރިމަތިލި އެވެ.

ނޭޝަނަލް ސާވިސް އަށް މީހުން ނެގުމަށްޓަކައި ށ. ފުނަދޫ އާއި ނ. މަނަދޫ އަދި ތ. ވޭމަންޑޫގައި އިންޓަވިއު އަދި މެޑިކަލް އާއި ފިޓްނެސް ޓެސްޓުތައް ކުރިއަށް ގެންދިއުމަށްފަހު، ފުރަތަމަ ބުރުގައި 350 ބައިވެރިން ވަނީ ހޮވައިފަ އެވެ.

ޑިފެންސް މިނިސްޓްރީން ބުނީ އޭގެ ތެރެއިން ފުރަތަމަ ބެޗުގައި ހިމެނޭ 340 ބައިވެރިން ތަމްރީނު ހެދުމަށް މިއަދު ޅ. މާފިލާފުއްޓަށް ގޮސްފައިވާ ކަމަށެވެ. ސިފައިންގެ ބެލުމުގެ ދަށުގައި އޮންނަ އެ ރަށުގައި ތިން މަސް ދުވަހުގެ މުއްދަތަށް އެ މީހުން ތަމްރީނުތައް ފުރިހަމަ ކުރާނެ ކަމަށް ވެސް މިނިސްޓްރީން ބުންޏެވެ.

މައުޟޫޢުތަށް