ދިގު އިންތިޒާރެއްގެ ނިމުން؛ އަޔާ ގައުމީ ފުޓްސަލް ޓީމަށް
މިހާރު
17 ސެޕްޓެމްބަރު 2025 | ބުދަ | 10:34
ރާއްޖޭގެ ފުޓްސަލްގައި އެންމެ މަގުބޫލު އެއް ކުޅުންތެރިޔާ އަޔާޒް އަހުމަދު (އަޔާ) ފުރަތަމަ ފަހަރަށް ގައުމީ ފުޓްސަލް ޓީމުގައި ހިމެނުމަކީ މިއީ، އޭނާ އަށް ދިގު އިންތިޒާރަށް ނިމުން ގެނުވި ކަމެކެވެ.
"އަލްހަމްދު ﷲ! އޭއެފްސީ ފުޓްސަލް އޭޝިއަން ކަޕް ކޮލިފަޔާސްގައި ގައުމީ ފުޓްސަލް ޓީމާ އެކު ގައުމު ތަމްސީލު ކުރުމުގެ ފުރުސަތު ފުރަތަމަ ފަހަރަށް ލިބުމަކީ ޝަރަފެއް. މި ފުރުސަތުގައި އެންމެ ފުރިހަމައަށް މަސައްކަތް ކުރަން އަހަރެން ތައްޔާރު." ގައުމީ ޓީމާއެކު ކޮލިފައިންއަށް ފުރުމުގެ ކުރިން އަޔާޒް އޭނާގެ ސޯޝަލްމީޑިއާގައި ދޫކޮށްލި ޕޯސްޓުގައި ހާމަކުރި އެވެ.
އޭއެފަސީ އޭޝިއަން ކަޕް ކޮލިފައިންގައި ވާދަކުރާ ގައުމީ ފުޓްސަލް ޓީމާ އެކު އަޔާ، ކްރޮއޭޝިއާގެ ކޯޗު ޕީޓާ ސެގަޓް ވަނީ 2019 ވަނަ އަހަރު އޭނާ އަށް ގައުމީ ފުޓްބޯޅަ ޓީމުން ފުރުސަތު ދީފަ އެވެ.