ޔުއެފާ ޗެމްޕިއަންސް ލީގުގައި ރޭ ލިވަޕޫލް އަތުން 3-2 އިން އެތުލެޓިކޯ މެޑްރިޑް ބަލިކުރި މެޗުގައި ލިވަޕޫލްގެ ސަޕޯޓަރެއް ބޭއަދަބީ ވައްތަރުތަކެއް ޖައްސައި، އެތުލެޓިކޯގެ ކޯޗު ޑިއޭގޯ ސިމިއޯނީ ރުޅިއަރުވާލައިފި އެވެ.

ފުރިހަމަ ވަގުތު ހަމަވެގެން ދެއްކި އިތުރު ވަގުތުގެ ހަތަރު މިނިޓުގެ ތެރެއިން، ދެ ވަނަ މިނިޓުގައި ކެޕްޓަން ވާޖިލް ވެން ޑައިކް ލިވަޕޫލް މޮޅު ކޮށްދިން ގޯލު ޖެހުމާ އެކު، ސިމިއޯނީ އޭނާގެ ފަހަތުގައި ތިބި ލިވަޕޫލްގެ ސަޕޯޓަރުންގެ ތެރޭން މީހަކާ ދިމާއަށް ދުއްވައިގަނެ، އޭނާއާ ކުރިމަތިލާން މަސައްކަތް ކުރުމުން އޭނާ ދުރުކުރަން ޖެހުނީ ދަނޑުގެ ސެކިއުރިޓީން ވެގެންނެވެ.

ލިވަޕޫލްގެ ދަނޑުގައި ހިނގި މި ހާދިސާއާ ގުޅިގެން މެޗުގެ ރެފްރީ ވަނީ ސިމިއޯނީއަށް ރަތް ކާޑެއް ވެސް ދައްކައިފަ އެވެ.

މައުޟޫޢުތަށް