ކޮންޓްރޯލްޑް ޑްރަގެއް ވިއްކާ މައްސަލައެއް ފެންމަތިވެއްޖެ
މިހާރު
20 ސެޕްޓެމްބަރު 2025 | ހޮނިހިރު | 12:45
ޑްރަގު ބޭނުންކުރަމުންދާ މީހުންނަށް ކޮންޓްރޯލްޑް ޑްރަގެއް ވިއްކަމުންދާ މައްސަލައެއް ސަލާމުކަމަށް އައިސްފައިވާތީ އެކަން ބަލަމުން އަންނަ ކަމަށް ނޭޝަނަލް ޑްރަގް އެޖެންސީ (އެންޑީއޭ) އިން މިއަދު ބުނެފި އެވެ.
އެ އިދާރާގެ ޗެއާޕާސަން ލުބްނާ ޒާހިރު ހުސައިން އެކްސްގައި ކުރެއްވި ޕޯސްޓެއްގައި ވިދާޅުވީ، ޑްރަގު ބޭނުންކުރަމުންދާ މީހުންނަށް ބިއުޕްރެނޯފިން ވިއްކަމުންދާ ކަމުގެ މައުލޫމާތު ލިބިފައިވާ ކަމަށެވެ.
ލުބްނާ ވިދާޅުވީ އެ ބޭހުގެ 10 ޓެބްލެޓް 2،000ރ. އަށް ވިއްކާފައިވާ ކަމުގެ މައުލޫމާތު ލިބިފައިވާ ކަމަށެވެ. ކޮންޓްރޯލްޑް ޑްރަގެއް ވިއްކުމަކީ މަސްތުވާތަކެތީގެ ގާނޫނުގެ ދަށުން މަނާ ކަމެއްކަން ވެސް އޭނާ ފާހަގަކުރެއްވި އެވެ.