ސްރީ ލަންކާގެ ޔުނިވާސިޓީތަކުން އެހެން ގައުމުތަކާ ގުޅިގެން ހިންގާ ބައެއް ކޯސްތަކުގެ ސެޓްފިކެޓްތައް ބަލައިނުގަތުމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ނިންމައިފި އެވެ.

އެމްކިއުއޭ އިން ބުނީ ގިނަ އަދަދެއްގެ ދިވެހިން ކިޔަވަމުން އަންނަ، ސްރީ ލަންކާގެ ޔުނިވާސިޓީތަކުން ބޭރުގެ އެކި ގައުމުތަކާ ގުޅިގެން ޕްރޮގްރާމްތައް ހިންގަމުން އަންނައިރު އެ ތަންތަަނަށް ޕްރޮގްރާމް ހިންގަން ހުއްދަ ދީފައިނުވާ ކަމަށެވެ. އެހެންވެ އެ ތަންތަނުން ހިންގާ ޕްރޮގްރާމްތަކުގެ ސެޓިފިކެޓް ރާއްޖެއިން ގަބޫލުނުކުރާނެ ކަމަށް އެމްކިއުއޭ އިން ބުންޏެވެ.

އެމްކިއުއޭ އިން މިއަދު ނެރުނު އިއުލާނެއްގައި ވަނީ، ދިވެހި ދަރިވަރުން ކިޔަވަން ފެށުމުގެ ކުރިން ކިޔަވަން ބޭނުންވާ މަރުކަޒަކީ އެމްކިއުއޭގައި ބަޔާންކުރާ މިންގަނޑުތަކަށް ފެތޭ އަދި އެ އެ އޮތޯރިޓީން ގަބޫލުކުރާ ތަނެއްތޯ ކަށަވަރުކުރަން އިލްތިމާސްކޮށްފަ އެވެ.

މައުޟޫޢުތަށް