އޭޝިއާ ކަޕް ކްރިކެޓް މުބާރާތުގެ ސުޕަ ފޯ ބުރުގެ ފުރަތަމަ މެޗުގައި ސްރީ ލަންކާ އަތުން ހަތަރު ވިކެޓުން ބަންގްލަދޭޝް މޮޅުވެއްޖެ އެވެ.

އޭޝިއާގެ ޓީމުތަކުގެ މެދުގައި ޔޫއޭއީގައި ކުރިއަށްދާ މުބާރާތުގެ ސުޕަ ފޯ ބުރުގައި ހިމެނެނީ ގްރޫޕް ސްޓޭޖުން އެންމެ ގިނަ ޕޮއިންޓް ހޯދި ހަތަރު ޓީމެވެ. ފައިނަލަށް ދާނީ ލީގު އުސޫލުން ކުޅޭ ސުޕަ ފޯ ބުރުން އެންމެ ގިނަ ޕޮއިންޓް ހޯދާ ދެ ޓީމެވެ.

ދުބާއީ އިންޓަނޭޝަނަލް ސްޓޭޑިއަމުގައި ރޭ ކުޅުނު މެޗުގައި ބަންގްލަދޭޝް އިން ޓޮސް ދިމާވުމުން ގަސްދުކުރީ ހޮވަން އަރާށެވެ. ލަންކާ އިން ކުޅެން އަރައި 20 އޯވަރުގެ ތެރޭގައި ހަތް ކުޅުންތެރިން ނުބައިވެގެން ހެދުނީ 168 ލަނޑެވެ. އެންމެ ރަނގަޅަށް ކުޅުނީ ނުބައި ނުވެ 64 ލަނޑު ހެދި ޑަސުން ޝަނަކާ އެވެ.

މައުޟޫޢުތަށް