ހުޅުމާލެ ޖީޕީ ކްލިނިކްގެ ހިދުމަތް 24 ގަޑިއިރަށް ބަދަލުކޮށްފި
މިހާރު
22 ސެޕްޓެމްބަރު 2025 | ހޯމަ | 12:25
ހުޅުމާލެ 2 ގައި ހުޅުވާފައިވާ ޖެނެރަލް ޕްރެކްޓިސް (ޖީޕީ) ކްލިނިކުގެ ހިދުމަތް 24 ގަޑިއިރު ދޭން ފަށައިފި އެވެ.
މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް ހަލީމް ރޭ "އެކްސް"ގައި ކުރެއްވި ޕޯސްޓުގައި ވިދާޅުވީ ސިއްހީ ދާއިރާ ތަރައްގީކުރަން ކުރާ މަސައްކަތުގެ ތެރެއިން ހިޔާ ފްލެޓުގައި ހިންގާ ޖީޕީ ކްލިނިކް މިދިޔަ އޭޕްރީލް 23 ވަނަ ދުވަހު ދެ ޝިފްޓަށް ފުޅާކޮށްފައިވާ ކަމަށެވެ.
އެއަށްފަހު، ރެއިން ފެށިގެން އެ ކްލިނިކްގެ ހިދުމަތް 24 ގަޑިއިރު ދޭން ރައީސް ޑރ. މުހައްމަދު މުއިއްޒު ނިންމަވާފައިވާ ކަމަށް އޭނާ ވިދާޅުވި އެވެ.