ބީއެމްއެލްއަށް ޔުއާން: މިއީ ކިހާ ބޮޑު ބަދަލެއް؟
މިހާރު
23 ސެޕްޓެމްބަރު 2025 | އަންގާރަ | 11:26
ބީއެމްއެލް އިން އިއްޔެ ގެނައި ބަދަލާ އެކު، ރާއްޖޭގެ އިގުތިސާދަށް ވާނީ ދެން ކޮން ފައިދާއެއް ހެއްޔެވެ؟ ޑޮލަރުގެ އަގަށް ހެޔޮ ބަދަލެއް އަންނާނެ ހެއްޔެވެ؟ ޑޮލަރަށް ބަރޯސާވެފައި އޮތް ގޮތުން ކުޑަވާނެ ބާވަ އެވެ؟
ޗައިނީސް ޔުއާން އެކައުންޓުތަކާއި ޓްރޭޑް ފައިނޭންސް ހިދުމަތްތަކުގައި ޔުއާން ބޭނުން ކުރެވޭ ގޮތް ހަމަޖައްސައި، ވީޗެޓް ޕޭ އަށް ބީއެމްއެލް ރުފިޔާ ކާޑު ލެވޭ ގޮތް ހަމަޖެއްސުމަކީ އެމެރިކާ ޑޮލަރަށް ބަރޯސާވެފައިވާ މިންވަރު ކުޑަކުރުމަށް މުހިންމު ފިޔަވަޅެއް ކަމަށް ބެލުމުގެ ފުރުސަތު ބޮޑެވެ.
ކުދި ޖަޒީރާ އަދި ތަރައްގީވަމުން އަންނަ ގިނަ ގައުމުތަކެކޭ އެއްފަދައިން، ދިވެހި އިގްތިސާދަކީ ވެސް ޑޮލަރަށް ބަރޯސާވެފައިވާ އިގްތިސާދެކެވެ. ރިސޯޓުތަކުން ބިލް ކުރަނީ ޑޮލަރުންނެވެ. ކާބޯތަކެއްޗާއި ތެލާއި އިމާރާތް ކުރުމުގެ ތަކެތި ފަދަ މުހިންމު އިމްޕޯޓްތަކަށް ފައިސާ ދައްކަނީ ޑޮލަރުންނެވެ. އަދި ދިވެހި ރުފިޔާގެ އަގު ހިފެހެއްޓިފައިވަނީ ޑޮލަރު އަސާސް ކޮށްފައިވާ ބާސްކެޓަކަށެވެ.