ތ. މަޑިފުށީ އިހްތިސާސްގައި ދާދިފަހުން ހިމެނި އެ އަތޮޅުގެ ދެ ފަޅުރަށް ކަމަށްވާ އުފުރިޔާ އާއި ކޮޅުފުށީގައި ރައްޔިތުންނަށް ފައިދާވާ އިގްތިސާދީ މަސައްކަތެއް ކުރަން ފެށުމަށް ރައީސް ޑރ. މުހައްމަދު މުއިއްޒު މިއަދު އެދިވަޑައިގެންފި އެވެ.

މަޑިފުށީގެ އިހްތިސާސްގައި އެ ދެ ރަށް ރައީސް ހިމަނައިދެއްވީ މިދިޔަ އާދިއްތަ ދުވަހު އެވެ. ރައީސް މިއަދު ތ. އަތޮޅަށް ފެއްޓެވި ދަތުރުފުޅުގައި މިއަދު އެރަށަށް ވަޑައިގެން، އެ ދެ ރަށް ރަސްމީކޮށް މަޑިފުށީ ކައުންސިލާ ވަނީ ހަވާލުކުރައްވައިފަ އެވެ. އެ ދެ ރަށް ހަވާލުކޮށްދެއްވީ ލޯކަލް ގަވަނެންސް މިނިސްޓަރު އާދަމް ޝަރީފެވެ.

އެރަށު ރައްޔިތުންނާ ރައީސް ބައްދަލު ކުރައްވައި، ވިދާޅުވީ އެކި ރަށްރަށަށް ވަޑައިގެން ވައުދުތައް ވަނީ އެއީ ކޮށްދެވޭނެ ކަންކަން ކަން ސަރުކާރަށް ޔަގީންވާތީ ކަމަށެވެ.

މައުޟޫޢުތަށް