ވިލާ ކޮލެޖުން ހިންގި އެކި ކޯސްތަކުން މަތީ ވަނަތައް ހާސިލްކުރި ދަރިވަރުންގެ ކާމިޔާބީ ފާހަގަ ކުރުމުގެ ގޮތުން ބާއްވާ "ސްޓޫޑަންޓް އެޗީވްމަންޓް އެވޯޑް" މިދިޔަ ހޮނިހިރު ދުވަހުގެ ރޭ ބާއްވައިފި އެވެ.

ވިލާ ކޮލެޖުގެ ކިއުއައި ކެމްޕަހުގެ ހޯލުގައި ބޭއްވި އެ ހަފްލާގައި، އެކި ދާއިރާތަކުން މަތީ ވަނަ ހޯދި ދަރިވަރުންނަށް ވަނީ އެވޯޑު ހަވާލުކޮށްފައެވެ. އެ ރަސްމިއްޔާތު ޝަރަފްވެރިކޮށް ދެއްވީ ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދެވެ.

އެ ރަސްމިއްޔާތުގައި މިނިސްޓަރު ވަނީ ވިލާ ކޮލެޖަކީ މަތީ ތަޢުލީމުގެ ދާއިރާގައި ރާއްޖޭގައި އެންމެ ފާހަގަކޮށްލެވޭ އެއް މުއައްސަސާ ކަމަށް ވިދާޅުވެފަ އެވެ. އަދި ވިލާ ކޮލެޖް ވެގެން ގޮސްފައިވަނީ ދުނިޔޭގެ ކުރިއަރާފައިވާ ގައުމުތަކުގެ ޔުނިވާސިޓީތަކަށް ގޮސްގެން ހާސިލްކުރާ ފެންވަރުގެ މަތީ ތައުލީމު، ރާއްޖޭގައި ތިބެގެން ދިވެހި ދަރިވަރުންނަށް ހޯދޭނެ އިލްމީ ޖަވާހިރަކަށް ކަމަށް މިނިސްޓަރު ވިދާޅުވި އެވެ.

މައުޟޫޢުތަށް