ރާއްޖެ-ސައުދީގެ ގުޅުމަކީ ނަމޫނާ ގުޅުމެއް: ސަފީރު
މިހާރު
23 ސެޕްޓެމްބަރު 2025 | އަންގާރަ | 10:12
ސައުދީ އަރަބިއްޔާގެ ގައުމީ ދުވަހުގެ މުނާސަބަތާ ގުޅުވައި، ރާއްޖެ އާއި ސައުދީގެ ގުޅުމަށް އެ ގައުމުގެ ސަފީރު ޔަހްޔާ ހަަސަން އަލް ގަހުތާނީ ތައުރީފު ކުރައްވައިފި އެވެ.
ސައުދީ އަރަބިއްޔާގައި މިއަދު ފާހަގަކުރާ އެ ގައުމުގެ 95 ވަނަ ގައުމީ ދުވަހުގެ މުނާސަބަތުގައި ނެރުއްވި ބަޔާނެއްގައި ސަފީރު ވިދާޅުވީ ސައުދީ އަރަބިއްޔާ އާއި ރާއްޖެއިން ވެސް އަޒުމް ކަނޑަައަޅައިގެން ތިބީ ދެ ގައުމުގެ ގުޅުމުގެ ތެރެއިން ދެ ގައުމުގެ ރައްޔިތުންނަށް ވެސް ފާގަތިކަމާއި ހަމަޖެހުމާއި ތަރައްގީ ގެނެސްދިނުމަށް ކަމަށެވެ. އަދި ދެ ގައުމުން މަސައްކަތްކުރަނީ އެ ގުޅުން އާ މަރުހަލާއަކަށް ގެންދަން ކަމަށް ވެސް އޭނާ ވިދާޅުވި އެވެ.
"[ސައުދީ އަރައްބިއްޔާ އާއި ދިވެހިރާއްޖެއާ ދެމެދު އޮތް] ވަރުގަަދަ ބައިލެޓަރަލް ގުޅުމަކީ ދޭދޭ ގައުމުތަކުގެ ދެމެދުގައި އޮންނަ ބިނާކުރަނިވި ގުޅުމުގެ ނަމޫނާ އެެއް،" ބަޔާނުގައި ސަފީރު ވިދާޅުވި އެވެ.