"ތަރައްގީގެ ރާޑަރަށް" ތ. އަތޮޅު އަރުވައިދޭނެ ކަމުގެ ވައުދު އެ މަނިކުފާނު ކުރިން ވެވަޑައިގެންފައިވާ ކަމަށާއި އާރުޓީއެލް ފެރީގެ ނިޒާމު އިއްޔެ ފެށުމަކީ އެ މަސަައްކަތުގެ ބައެއް ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

ތ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި ރޭ ވޭމަންޑު އަށް ވަޑައިގެން އެ ރަށުގެ ރައްޔިތުންނާ ވާހަކަފުޅު ދައްކަވަމުން ރައީސް ވިދާޅުވީ، އެ އަތޮޅު ތަރައްގީގެ ރާޑަރަށް އަރުވައިދޭނެ ކަމަށް ވެވަޑައިގެންނެވި ވައުދު ފުއްދަވަން މިހާރު ވެސް މަސައްކަތް ފައްޓަވާފައިވާ ކަމަށެވެ.

"މިއީ އެ ގޮތުން ކުރެވުނު މަސައްކަތެއް،" ތ. އަތޮޅަށް އާރުޓީއެލް ފެރީގެ ހިދުމަތް އިއްޔެ ފެށިކަން ފާހަގަކުރައްވަމުން ރައީސް މުއިއްޒު ވިދާޅުވި އެވެ.

މައުޟޫޢުތަށް