ރާއްޖެއަކީ ދިރިއުޅުމުގެ އާދަތަކުގެ ސަބަބުން ޖެހޭ ބަލިތަކާ ދުރު ބަޔަކު އުޅޭ ގައުމަކަށް ހަދަން ބޭނުންވާ ކަމަށާއި ބަލިވުމުން ފަރުވާކުރުމާ އެއްވަރަށް، ބަލިތަކުން މީހުން ސަލާމަތްކުރުމަށް ވެސް އިންވެސްޓްކުރަމުން ގެންދާ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

ތ. ވޭމަންޑޫ ރައްޔިތުންނާ ބައްދަލުކުރައްވައި ރައީސް މިހެން ވިދާޅުވީ ސިއްހަތަށް ބޮޑެތި ގެއްލުންތައް ލިބޭ ދުންފަތުގެ ބާވަތްތަކުން ދިވެހި ޖީލުތައް ސަލާމަތްކުރަން ތަންފީޒުކުރަން ފަށާ "ޖެނެރޭޝަން ބޭން" އާ ބެހޭ ގޮތުން ވާހަކަފުޅު ދައްކަވަމުންނެވެ.

ދުންފަތުގެ އިސްތިއުމާލު ކުރުންފަދަ ނޭދެވޭ އަމަލުތަކުން ދުރުވާން ބޭނުންވާ މީހުންނަށް ސަރުކާރުން އެހީތެރިކަން ދޭނެކަން ފާހަގަކުރައްވަމުން ރައީސް ވިދާޅުވީ އަންނަ ނޮވެމްބަރުގައި އަމަލުކުރަން ފަށާ ޖެނަރޭޝަން ބޭންގެ ސަބަބުން އަންނަ އޮތް ޖީލު ވެސް ދުންފަތުން ސަލާމަތް ކުރެވޭނެ ކަމަށެވެ.

މައުޟޫޢުތަށް