ބޭރު މީހުންނަށް ރާއްޖޭގެ ކެޕިޓަލް މާކެޓުގައި އިންވެސްޓްކުރުމުގެ ފުރުސަތު
މިހާރު
27 ސެޕްޓެމްބަރު 2025 | ހޮނިހިރު | 12:46
ރާއްޖޭގެ ކެޕިޓަލް މާކެޓުގައި އިންވެސްޓްކުރާ ބޭރުގެ އިންވެސްޓަރުންނާ ގުޅޭ އުސޫލެއް ކެޕިޓަލް މާކެޓް ޑިވަލޮޕްމެންޓް އޮތޯރިޓީ (ސީއެމްޑީއޭ) އިން އާންމުކޮށްފި އެވެ.
ސީއެމްޑީއޭގެ އާ ގަވައިދުގައިވާ ގޮތުން ބޭރުގެ ފަރާތްތަކަށް ރާއްޖޭގައި އިންވެސްޓްކުރެވޭނީ އެ އޮތޯރިޓީން ހުއްދަ ދީފައިވާ ހިއްސާ އާއި ބޮންޑާއި އެހެނިހެން ސެކިއުރިޓީ މާކެޓް އިންޓްރޫމެންޓްތަކުގަ އެވެ.
ސީއެމްޑީއޭއިން ބުނީ، ގުޅުންހުރި ފަރާތްތައް ނުވަތަ އެ ފަރާތްތަކުގެ ބޮޑު ކޮންޓްރޯލެއް ނުވަތަ ނުފޫޒެއް އޮންނަ ގާނޫނީ ޝަހްސުތައް ހިމެނޭ ގޮތަށް އެއްވެސް ފަރާތަކުން އެކަނި ނުވަތަ އެހެން ފަރާތްތަކާ ގުޅިގެން 10 ޕަސެންޓަށް ވުރެ ގިނަ ހިއްސާ ހޯލްޑް ނުކުރެވޭނެ ކަމަށެވެ.