"ފޮޓޯ، ވީޑިއޯ ނަގާނަންތަ؟ އެހެންވިއްޔާ އަންނާނަން ރީތިވެގެން" ހިނިގަނޑަކާ އެކު މިހެން ވިދާޅުވެފައި ޑރ.ހާޖީދާރު އަބްދުލް މަޖީދު ވަޑައިގަތީ މި އިންޓަވިއު އަށް ތައްޔާރުވެ ވަޑައިގަންނަވާށެވެ. އެއީ، ކުރައްވާ ކޮންމެ ކަމެއް އެހާ ގަޔާވެގެން، އެންމެ ފުރިހަމައަށް ކުރައްވަން ބޭނުންވާ ބޭފުޅަކަށް ވާތީ އެވެ. ރާއްޖޭގެ އިސްލާމީ އެންމެ ވަރުގަދަ ބިނާ، އިސްލާމީ މަރުކަޒު އެކަމަށް ހެކިދެ އެވެ.

ރާއްޖޭގައި އެފަދަ ދެވަނައެއް ނެތް ތާރިހީ، ރީތި އެ އިމާރާތަކީ އޭނާގެ ޑިޒައިނެކެވެ.

އެ ބިނާ ހިމެނެނީ، އޭނާގެ ޒުވާން ދުވަސްވަރު މިސްކިތްތައް ފަރުމާކުރުމުގައި ގެންނެވި އެންމެ ބޮޑު ބަދަލުގެ ތެރޭގަ އެވެ. މިސްކިތްތައް ހަމައެކަނި ނަމާދުކުރަން ހާއްސަކުރުމަށް ވުރެ އިލްމީ އަދި އިޖުތިމާއީ ކަންކަން ކުރެވޭ ގޮތަށް ފަރުމާ އޭނާ ބަދަލުކުރެއްވި އެވެ. މެލޭޝިއާގައި، ގެންނެވި އެ ބަދަލު ރާއްޖެއަށް ވެސް ކަމުދިޔައީ އެވެ. އެ ފަރުމާ އަށް މީހުންގެ ރުހުން ހޯދުމަކީ އެންމެ ބުރަ މަސައްކަތެވެ.

މައުޟޫޢުތަށް