މިދިޔަ ފަސް އަހަރު ޓޫރިޒަމް ދާއިރާ އަށް 550 މިލިއަން ޑޮލަރުގެ ލޯނު (8.4 ބިލިއަން ރުފިޔާ) ދޫކޮށްފައިވާ ކަމަށް ބީއެމްއެލްގެ ސީއީއޯ މުހައްމަދު ޝަރީފު މިރޭ ވިދާޅުވެއްޖެ އެވެ.

ބީއެމްއެލް އާއި އެމެރިކަން އެކްސްޕްރެސް ގުޅިގެން ފެށި ހަތަރު ވަނަ "އެކްސްޕީރިއެންސް މޯލްޑިވްސް" ޑެސްޓިނޭޝަން ކެމްޕޭން ފެށުމަށް ބޭއްވި ރަސްމިއްޔާތުގައި ޝަރީފު ވިދާޅުވީ އެ ކުންފުނި ދެމެހެއްޓެނިވި ގޮތެއްގައި ކުރިއަށް ގެންދިއުމަކީ އެންމެ މުހިއްމު އަމާޒު ކަމަށާއި މިދިޔަ އަހަރުތަކުގައި އެ ކުންފުންޏަށް ބޮޑު ކުރިއެރުމެއް ލިބިފައިވާ ކަމަށެވެ.

"އަޅުގަނޑުމެންގެ އެސެޓް 52 ބިލިއަން ރުފިޔާ އަށް އަރާ. އެއީ ރާއްޖޭގެ މުޅި ބޭންކިން ސެކްޓަރުގެ 50 ޕަސެންޓަށް ވުރެ ބޮޑު އަދަދެއް. ޑިޕޮސިޓްގެ އަދަދު 34 ބިލިއަން ރުފިޔާއަށް އަރާ. އެއީ ރާއްޖޭގެ މުޅި ބޭންކިން ސެކްޓަރުގައި ޑިޕޮސިޓްކޮށްފައިވާ ފައިސާގެ 52 ޕަސެންޓް،" އޭނާ ވިދާޅުވި އެވެ.

މައުޟޫޢުތަށް