މެޑްރިޑް (ސެޕްޓެމްބަރު 27) - ވާދަވެރި ރެއާލް މެޑްރިޑުން ފަހަތުން އަރައި ލީޑު ނަގާފައި ވަނިކޮށް، އެތުލެޓިކޯ މެޑްރިޑުން 5-2 އިން ރެއާލް މެޑްރިޑް މިރޭ ބަލިކޮށްފި އެވެ.

އެތުލެޓިކޯގެ ދަނޑުގައި ކުޅުނު މެޑްރިޑް ޑާބީގައި އެތުލެޓިކޯ ވަނީ 14 ވަނަ މިނިޓުގައި ރޮބިން ލެ ނޯމަންޑްގެ ގޯލަކުން ލީޑު ނަގައިފަ އެވެ. ނަމަވެސް ރެއާލް މެޑްރިޑުން 25 ވަނަ މިނިޓުގައި ކިލިއަން އެމްބާޕޭ ޖެހި ގޯލަކުން ނަތީޖާ އެއްވަރުކޮށް، އޭގެ 11 މިނިޓު ފަހުން އާޑާ ގުލާ ކާމިޔާބުކުރި ގޯލުން މެޗުގެ ލީޑު ނެގި އެވެ.

ރެއާލުން މެޗު ޑޮމިނޭޓް ކޮށްގެން ކުޅުނު ނަމަވެސް އެތުލެޓިކޯ އިން ފުރަތަމަ ހާފުގެ އިތުރު ވަގުތުގެ ތެރޭގައި އަލެކްސެންޑާ ސޯލޮތުގެ ގޯލަކުން ނަތީޖާ އެއްވަރުކުރި އެވެ. ދެވަނަ ހާފުގައި ތިން ގޯލު ޖަހައިގެން ވަނީ މި ސީޒަންގައި ރެއާލް ބަލިކުރި ފުރަތަމަ ޓީމުގެ ޝަރަފް ހޯދައިފަ އެވެ.

މައުޟޫޢުތަށް