ދިރާގުގެ 37 ވަނަ އަހަރީ ދުވަސް ފާހަގަކުރަން ހާއްސަ އޮފާތަކެއް ތައާރަފްކޮށްފި އެވެ.

ދިރާގުގެ ހެޑް އޮފީހުގައި މިއަދު ބޭއްވި ހާއްސަ ރަސްމިއްޔާތެއްގައި އަހަރީ ދުވަހުގެ ފުރަތަމަ ހާއްސަ އޮފާއަކަށް ތައާރަފްކޮށްފައި ވަނީ 24 ގަޑިއިރަށް 37 ޖީބީ ހިލޭ ލިބޭ އޮފާއެކެވެ. މި 37 ޖީބީ #225* އަށް ޑައިލްކޮށްގެން މިއަދުގެ އިރުއޮއްސި ހައެއް ޖަހަންދެން އެކްޓިވޭޓް ކުރެވޭނެ އެވެ. އަދި އެކްޓިވޭޓް ކުރާތާ 24 ގަޑިއިރު ވަންދެން އެ ޑޭޓާ ބޭނުން ކުރެވޭނެ އެވެ.

ދިރާގުން ދެވަނައަށް ތައާރަފްކޮށްފައިވަނީ ދިރާގު ޕޭ މެދުވެރިކޮށް އާއިލާ މީހުންނަށް ޑޭޓާ ހަދިޔާ ކުރެވޭ އޮފާއެކެވެ. އެ އޮފާއަކީ ޕޯސްޓްޕެއިޑް ލިމިޓްލެސް ކަސްޓަމަރުންނަށް މި އޮފާގެ ދަށުން ކޮންމެ މަހެއްގެ 15 ވަނަ ދުވަހުގެ ކުރިން ރިޑީމް ކުރެވޭނެ ދެ ވައުޗާ ލިބޭނެ އެވެ. އަދި ޕްރީޕެއިޑް ކަސްޓަމަރުންނަށް ފެމިލީ ޕެކް އެޑް އޮން ގަތުމުން އާއިލާ މީހުންނަށް ޑޭޓާ ހަދިޔާ ކުރުމަށް ގިފްޓް ވައުޗާއެއް ލިބޭނެ އެވެ. މި ވައުޗާތަކަކީ ދިރާގު އެޕް މެދުވެރިކޮށް ރިޑީމް ކުރެވޭނެ ވައުޗަރެވެ.

މައުޟޫޢުތަށް