14 އަހަރަށް ފަހު ނައީމް އީޕީއޭ އިން ވަކިވެއްޖެ
މިހާރު
2 އޮކްޓޯބަރު 2025 | ބުރާސްފަތި | 6:58
ރާއްޖޭގެ ތިމާވެށި ހިމާޔަތް ކުރުމުގެ ޒިންމާތައް ކުރިން ހަވާލު ކޮށްފައިވާ އެންވަޔަރުމެންޓް ޕްރޮޓެކްޝަން އެޖެންސީ (އީޕީއޭ) ގެ ޑިރެކްޓަ ޖެނެރަލް އިބްރާހިމް ނައީމް 14 އަހަރުގެ ހިދުމަތަށް ފަހު އެ އިދާރާ އިން މިއަދު އިސްތިއުފާ ދެއްވައިފި އެވެ.
އީޕީއޭގެ ނަން އެންވަޔަރުމެންޓަލް ރެގިއުލޭޓަރީ އޮތޯރިޓީ (އީއާރުއޭ) އަށް ބަދަލުކޮށް، ރާއްޖޭގެ ތިމާވެށި ހިމާޔަތްކުރުމުގެ ޒިންމާތަކެއް އެ އޮތޯރިޓީއާ ހަވާލުކުރީ މިދިޔަ އޮގަސްޓް މަހުގެ ތެރޭގަ އެވެ.
އެ އޮތޯރިޓީން އެކްސްގައި މިއަދު ކުރި ޕޯސްޓެއްގައި ވަނީ 2011 ވަނަ އަހަރުން ފެށިގެން އީޕީއޭގެ ޑިރެކްޓަ ޖެނެރަލްގެ މަގާމުގައި ހުންނެވި ނައީމް ކުރެއްވި މަސައްކަތަށް ޝުކުރު އަދާކުރާ ކަމަށެވެ. ނައީމަށް އިތުރު ކާމިޔާބީ އަށް އެދި ކޮށްފައިވާ އެ ޕޯސްޓުގައި ވަނީ އޭނާ އެ އިދާރާ އަށް ކޮށްދެއްވި މަސައްކަތްތައް ހަނދާން ކުރާނެ ކަމަށާއި އެ މަސައްކަތުގެ އަގުވަޒަންކުރާ ކަމަށެވެ.