ޓީޗަރުންނަށް ގަދަރުކޮށް އިހުތިރާމް ކުރުމުގެ މާތްކަން
މިހާރު
5 އޮކްޓޯބަރު 2025 | އާދިއްތަ | 7:32
ނަބިއްޔާ ﷺ ބަޔާން ކުރައްވާ ގޮތުގައި އަޅުވެރިޔަކަށް ވުރެ އިލްމުވެރިއެއްގެ މާތްކަން ބޮޑު. އެއީ އަލިކަން ފޯރުކޮށްދިނުމުގައި އެހެން ތަރިތަކުގެ މައްޗަށް ހަނދުގެ އަލިކަން ގަދަ ވެގެންދާ ފަދައިން.
މުދައްރިސުންނަކީ މުޖުތަމައުގައި ވަރަށް މުހިންމު ދައުރެއް އަދާކުރާ ބައެކެވެ. އެ މީހުންނަކީ ހަމައެކަނި ދަރުސްތަކެއް ނަގައިދީ މައުލޫމާތާއި ހުނަރު ފޯރުކޮށްދޭ ބައެއް އެކަންޏެއް ނޫނެވެ. ނަމަވެސް އެއީ އިންސާނުން ހެޔޮގޮތުގައި ތަރުބިޔަތު ކުރުމުގެ މަސައްކަތުގައި އުޅޭ މުރައްބީން (ތަރުބިޔަތު ކުރާ މީހުން) ނެވެ. އެހެންވެ މުދައްރިސެއްގެ ދައުރުގެ އިތުރުން އިންސާނާ ހެޔޮގޮތުގައި ތަރުބިޔަތު ކޮށް ވަޒަން ހަމަ ޝަހުސިއްޔަތު ތަކެއް ބިނާ ކުރުމަށްޓަކައި އިރުޝާދު ދިނުމާއި މަގު ދެއްކުމާއި ތަމްރީނު ދިނުމާއި މޮނީޓަރު ކުރުމާއި އިސްލާހު ކުރުން ފަދަ އެތައް ކަމެއް އެމީހުން ކުރަން ޖެހެ އެވެ.
މި ސަބަބުތަކަށްޓަކައި އެ މީހުންނަކީ މުޖުތަމައުގައި ވަރަށް ބޮޑަށް ގަދަރު ކޮށް އިހުތިރާމު ކުރަންޖެހޭ ބައެކެވެ. އެ މީހުންގެ އެ ބުރަ މަސައްކަތް ހެޔޮ ހިތުން ބަލައިގަނެ ޝުކުރު އަދާކޮށްދޭން ޖެހޭ ބައެކެވެ. އިސްލާމީ ނަޒަރުން ބަލާއިރު މިކަން މުހިންމުވާ އެތައް ސަބަބެއް ވެ އެވެ.