އަނެއްކާ ވެސް ދުވާފަރު ކައުންސިލްގެ ބޮޑު ހިޔާނާތެއް
މިހާރު
3 އޮކްޓޯބަރު 2025 | ހުކުރު | 9:53
ދުވާފަރު ކައުންސިލަށް ތަކެއްޗާއި ހިދުމަތް ދިން ބަޔަކަށް ދޭންޖެހޭ ފައިސާތަކެއް، ލިޔެކިއުންތައް ފޯޖްކޮށްގެން އެހެން ބައެއްގެ އެކައުންޓްތަކަށް ޖަމާކޮށްފައިވާ ކަމަށް އޮޑިޓް އޮފީހުން ބުނެފި އެވެ.
އިއްޔެ ނެރުނު އޮޑިޓް ރިޕޯޓުގައިވާ ގޮތުން ދުވާފަރު ކައުންސިލުން ލިޔެކިއުންތައް ފޯޖްކޮށްގެން، ފައިސާ ލިބެންވާ ފަރާތް ނޫން އެހެން ފަރާތްތަކަށް ފޮނުވި ފައިސާގެ ޖުމްލަ އަކީ 99،338.ރ އެވެ.
އެ ފައިސާ އަކީ ދުވާފަރު ކައުންސިލަށް ތަކެއްޗާއި ހިދުމަތް ދިން ބަޔަކަށް ދޭން ޖެހޭ ފައިސާ ކަަމަށް ވާއިރު، އެ ފައިސާ އެހެން އެކައުންޓްތަކަށް ޖަމާކުރުމުން، ތަކެއްޗާއި ހިދުމަތް ދިން ފަރާތްތަކަށް ލިބެން ޖެހޭ ފައިސާ އޮޑިޓް ނިމުނު އިރު ވެސް އޮތީ ނުލިބި އެވެ.