އަތްފޯރާފަށުގެ ބޯހިޔާވަހިކަން ތަންފީޒު ކުރަން ހާއްސަ ލުއިތަކެއް!
މިހާރު
6 އޮކްޓޯބަރު 2025 | ހޯމަ | 1:13
ދިވެހިންނަށް އަގު ހެޔޮ ބޯހިޔާވަހިކަން ކަށަވަރު ކޮށްދިނުމުގެ ހާއްސަ މަޝްރޫއެއް ކުރިއަށް ގެންދަން ނިންމައި، އެ ކަމަށް މަގުފަހި ކުރުމަށްޓަކައި ހާއްސަ ކަންތައްތަކެއް ތަންފީޒު ކުރަން ސަރުކާރުން ކަނޑައަޅައިފި އެވެ.
ރައީސް އޮފީހުން ރޭ ބުނީ، "ނެޝަލަން ހައުސިން އެފޯޑަބިލިޓީ އެންޑް އެކްސެސިބިލިޓީ" މަޝްރޫއު ކުރިއަށް ގެންދަން ނިންމީ ކެބިނެޓުގެ އިއްޔެގެ ބައްދަލުވުމުގައި ކަމަށެވެ.
އޭގެ ބޭނުމަކީ އެ އޮފީހުން ބުނިގޮތުގައި، ރާއްޖެ އަށް ދިމާވެފައިވާ ގެދޮރުވެރިކަމުގެ މައްސަލަ އަށް ދެމެހެއްޓެނިވި ހައްލެއް ހޯދުމާއި ކެރިފޯރުންތެރި އަދި ދެމެހެއްޓެނިވި ހައުސިން މާކެޓެއް އުފެއްދުމެވެ.