ހަމާސް އިން އިޒްރޭލަށް ދިން ހަމަލާގެ ބަދަލުހިފުމުގެ ނަމުގައި އިޒްރޭލުން ޣައްޒާއަށް ދޭން ފެށި ހަމަލާތަކަށް މިއަދު ދެ އަހަރު ފުރުނު އިރު ހަނގުރާމަ ހުއްޓުމަކަށް ގެނައުމަށް އެމެރިކާގެ ރައީސް ޑޮނަލްޑް ޓްރަމްޕު ހުށަހަޅުއްވާފައިވާ ޕްލޭން ތަންފީޒުކުރުމާ ބެހޭ މަޝްވަރާތައް ހަމާސް އާއި އިޒްރޭލާ ދެމެދު އިއްޔެ ނުސީދާކޮށް މިސްރުގައި ފަށައިފި އެވެ.

އިޒްރޭލާއި ހަމާސްގެ ވަފުދު މިސްރުގެ ޝަރުމުއްޝައިހްގައި މަޝްވަރާތައް ކުރިއަށް ގެންދާއިރު، މިސްރުގެ ޖާސޫސީ އިދާރާއާ ގުޅުން އޮންނަ ގާހިރާ ނިއުސް އިން ބުނީ އިއްޔެގެ މަޝްވަރާތައް ކުރިއަށް ދިޔައީ "ވަރަށް ޕޮޒިޓިވް މާހައުލެއްގައި" ކަމަށެވެ. އަދި މިއަދުވެސް މަޝްވަރާތައް ކުރިއަށް ގެންދާނެ ކަމަށް ބުންޏެވެ.

ގަތަރުގައި ހަމާސްގެ ލީޑަރުންނަށް އަަމާޒުކޮށް އިޒްރޭލުން ހަމަލާ ދިންތާ ހަފްތާތަކެއް ފަހުން ފެށި މި މަޝްވަރާތައް ކުރިއަށް ގެންދަނީ ސަލާމަތީ ވަރުގަދަ ފިޔަވަޅުތަކާ އެކު ސިއްރުންނެވެ. އިޒްރޭލާއި ހަމާސްއާ އިން ވާހަކަ ދައްކަނީ މެދުވެރިއަކާ އެކުގަ އެވެ. އެއީ އެއް ބަޔަކާ ވާހަކަ ދެއްކުމަށް ފަހު އެ ވާހަކަތައް އަނެއް ބަޔަކާ ހިއްސާކުރާ ގޮތަށެވެ.

މައުޟޫޢުތަށް