ސްޕެނިޝް ލީގާއި، އިޓާލިއަން ލީގުގެ މެޗެއް އެމެރިކާ އާއި، އޮސްޓްރޭލިއާގައި ކުޅެން ހުއްދަ ދީފައިވާ ކަމަށާއި، އެކަމަކު އެގޮތަށް ނިންމީ ހިތްހަމަޖެހިގެން ތިބެ ނޫން ކަމަށް ޔުއެފާ އިން ބުނެފި އެވެ.

ސްޕެނިޝް ލީގުން ރާވާފައި އޮތީ ޑިސެމްބަރު މަހު ބާސެލޯނާ އާއި، ވިޔަރެއާލުގެ މެޗެއް އެމެރިކާގެ މަޔާމީގައި ބާއްވާށެވެ. އަދި އިޓާލިއަން ލީގުން ރޭވީ ފެބްރުއަރީ މަހު އޭސީ މިލާނާއި، ކޯމޯގެ މެޗު އޮސްޓްރޭލިއާގައި ޕާތުގައި ކުޅޭށެވެ.

ޔުއެފާ އިން ހުއްދަ ދިން ނަމަވެސް، މިކަން ކުރެވޭނީ ފީފާގެ އެޕްރޫވަލް ލިބިގެންނެވެ. އެހެންވެއްޖެ ނަމަ މިއީ ޔޫރަޕުގެ ލީގު މެޗުތަކެއް ގައުމުން ބޭރުގައި ބާއްވާނެ ފުރަތަމަ ފަހަރަށް ވެގެންދާނެ އެވެ.

މައުޟޫޢުތަށް