މާފުށީގައި ސިޓީ ހޮޓާ އަޅައިދޭނެ ބަޔަކު ހޯދަން ހައްޖު ކޯޕަރޭޝަނުން ދެ ވަނަ ފަހަރަށް އިއުލާންކޮށްފި
މިހާރު
7 އޮކްޓޯބަރު 2025 | އަންގާރަ | 7:53
ކ. މާފުށީގައި ސިޓީ ހޮޓަލެއް އިމާރާތް ކޮށްދޭނެ ބަޔަކު ހޯދުމަށް ކުރިން ކުރި އިއުލާން ބާތިލްކޮށް، ހައްޖު ކޯޕަރޭޝަނުން އަލުން މިއަދު އިއުލާންކޮށްފި އެވެ.
އެ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލް ވިދާޅުވީ، މިދިޔަ އޮގަސްޓް 6 ގައި ކުރި އިއުލާން ބާތިލްކުރީ އެކަށީގެންވާ ތަރުހީބެއް ނުލިބުމުން ކަމަށެވެ. މަދުވެގެން ތިން ފަރާތަކުން ކުރިމަތިލާން ޖެހުނަސް، ކޮންޓްރެކްޓާ ފައިނޭންސް އުސޫލުން އެ ސިޓީ ހޮޓާ އަޅައިދިނުމަށް އެހާވަރަށް ތަރުހީބު ނުލިބުނު ކަމަށް އޭނާ ވިދާޅުވި އެވެ.
އެހެންވެ، ދެ ވަނަ ފަހަރަށް އިއުލާންކޮށް، ބިޑިންގައި ރަޖިސްޓްރީވުމަށް އަންނަ އަންގާރަ ދުވަހާ ހަމައަށް ވަނީ މުއްދަތު ދީފަ އެވެ.