ރުކާއި މުރަނގަ އާލާކުރަން ކޮންސަލްޓެންޓުން ހޯދަނީ
މިހާރު
8 އޮކްޓޯބަރު 2025 | ބުދަ | 10:37
ރުކާއި މުރަނގަ ގަސް އާލާކޮށް ދިރުވުމުގެ ޕްރޮގްރާމެއް ހިންގުމަށް ކޮންސަލްޓެންޓުން ހޯދުމަށް އެގްރިކަލްޗާ މިނިސްޓްރީން އިއުލާންކޮށްފި އެވެ.
"ކޮކޮނަޓް ރިހެބިލިޓޭޝަން"ގެ ނަމުގައި ކުރިއަށް ގެންދާ ޕްރޮގްރާމަކީ ރާއްޖޭގައި ޒަމާނުއްސުރެ ހެދެމުން އަންނަ ރުއްތައް އުމުރުން ދުވަސްވުމާއި ތަފާތު އެހެނިހެން ސަބަބުތަކާ ހުރެ މަތިވަރު ދަށްވާތީ ކުރިއަށް ގެންދާ ޕްރޮގްރާމެއް ކަމަށް މިނިސްޓްރީން ބުންޏެވެ.
މިނިސްޓްރީން ބުނި ގޮތުގައި އެ ޕްރޮގްރާމުގެ ބޭނުމަކީ ދުރު މުސްތަގުބަލަކަށް މުޑުވައް ނެރެވޭ، ރަނގަޅު ފެންވަރުގެ ރުކުގެ ޖީލެއް ރަށްރަށުގައި ތަރައްގީކުރުމެވެ. އެ ޕްރޮގްރާމަށް ކޮންސަލްޓެންޓަކު ހޯދަނީ ރާއްޖޭގެ އެކި ކަންކޮޅުތަކުން މުޑުވައް ހޯދުމުގައި ފަންނީ މައުލޫމާތު ދޭނެ ފަރާތެއް ބޭނުންވާތީ ކަމަށް މިނިސްޓްރީން ބުންޏެވެ.