އެންމެ މަތިން މާކްސް ލިބުނު މަހާޒަށް ރުހުމެއް ނުދިން
މިހާރު
8 އޮކްޓޯބަރު 2025 | ބުދަ | 2:29
ޓެކްސް އެޕީޓް ޓްރައިބިއުނަލްގެ މެމްބަރުކަަމަށް ސުޕްރީމް ކޯޓުގެ ކުރީގެ ފަނޑިޔާރު މަހާޒު އަލީ ޒާހިރު އައްޔަންކުރުމަށްޓަކައި ޖުޑިޝަރީ ކޮމިޓީގެ މެމްބަރުންގެ އެންމެ މަތީ މާކްސް ލިބިވަޑައިގަތަސް މަޖިލިހުގެ ތަޅުމުން އޭނާ އަށް ރުހުން ނުދީ މިއަދު ކަޓުވާލައިފި އެވެ.
ޓެކްސް ޓްރައިބިއުނަލަށް އައްޔަންކުރަން މަޖިލިހުގެ މިއަދުގެ ޖަލްސާގައި ރުހުން ދިިނީ އެ ޓްރައިބިއުނަލްގެ މެންބަރުކަން ކުރިން ވެސް ކުރައްވާފައިވާ ބ. ތުޅާދޫ، ގުލްބަހާރުގޭ، އިބްރާހިމް އަފީފުގެ އިތުރުން ދ. މީދޫ އަކިރިވިލާ، ޝަވްފާ އިބްރާހީމަށެވެ.
މަހާޒަށް ރުހުން ދޭން ފެނޭތޯ ބަލަން މަޖިލީހުގެ މިއަދުގެ ޖަލްސާގައި ނެގި ވޯޓުގައި ބައިވެރިވެވަޑައިގަތް 46 މެންބަރުންގެ ތެރެއިން 41 މެންބަރަކު ވޯޓު ދެއްވީ އޭނާއަށް ރުހުން ދޭން ނުފެންނަ ކަމަށެވެ. މަހާޒަށް ރުހުން ދޭން ފެންނަ ކަމަށް ހަތަރު މެންބަރަކު ވޯޓު ދެއްވި އިރު ވަކި ގޮތަކަށް ވޯޓު ނުދެއްވާ އެއް މެންބަރަކު އިންނެވި އެވެ.