ދުވަސް ނުފުރާ އުފަންވާ ކުދިންގެ ލޮލަށްދޭ ހާއްސަ ފަރުވާ އައިޖީއެމްއެޗްގައި ފަށައިފި
މިހާރު
9 އޮކްޓޯބަރު 2025 | ބުރާސްފަތި | 12:06
ދުވަސް ނުފުރާ އުފަންވާ ކުދިންގެ ލޮލުގެ ފެނުމުގެ ބާރު ރައްކާތެރިކުރުމަށް ދޭ ހާއްސަ ފަރުވާ އައިޖީއެމްއެޗްގައި ފަށައިފި އެވެ.
ދުވަސް ނުފުރާ އުފަންވާ ކުދިންނަށް ދޭ ރެޓީނާ ލޭޒާ ޓްރީޓްމަންޓް އައިޖީއެމްއެޗްގައި ފެށިކަން ހާމަކުރައްވައި މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް ހަލީމް ރޭ އެކްސްގައި ކުރެއްވި ޕޯސްޓުގައި ވިދާޅުވީ މި ފަރުވާ ލަސްނުވެ ދެވޭނެ އިންތިޒާމު ހަމަޖެހުނީ ކަމަށެވެ.
މި ފަރުވާ އަކީ ދުވަސް ނުފުރާ އުފަންވުމުން، ނާޒުކު ހާލަތުގައި ތިބޭ ކުދިންގެ ފެނުމުގެ ބާރު ރައްކާތެރިކުރަން، އަވަހަށް ދޭންޖެހޭ ހާއްސަ ފަރުވާއެކެވެ.