ހަނިމާދޫ އިންޓަނޭޝަނަލް އެއާޕޯޓުގެ އާ ޓާމިނަލް އަންނަ މަހުގެ 9 ގައި ރަސްމީކޮށް ހުޅުވަނީ
މިހާރު
9 އޮކްޓޯބަރު 2025 | ބުރާސްފަތި | 11:25
ހަނިމާދޫ އިންޓަނޭޝަނަލް އެއާޕޯޓުގެ އާ ޓާމިނަލް އަންނަ މަހު 9 ގައި ރަސްމީކޮށް ހުޅުވަން ތައްޔާރުވާން ފަށައިފި އެވެ.
ހަނިމާދޫ އެއާޕޯޓް މިހާރު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު މިއަދު "މިހާރު"އަށް ވިދާޅުވީ އެ އެއާޕޯޓުގެ އާ ޓާމިނަލް ހުޅުވުމުގެ އެންމެފަހުގެ ތައްޔާރީތައް މިހާރު ފަށާފައިވާ ކަމަށެވެ. އަދި އަންނަ މަހު 9 ގައި އާ ޓާމިނަލް ރަސްމީކޮށް ހުޅުވާނެ ކަމަށް ވެސް އޭނާ ވިދާޅުވި އެވެ.
އާ ޓާމިނަލް ރަސްމީކޮށް ހުޅުވުމުގެ ކުރިން ވެސް މިމަހު އެތަން ބޭނުންކުރަން ފަށާނެ ކަމަށް ޝަރީފް ވިދާޅުވި އެވެ.