މޯލްޑިވްސް ޓޫރިޒަމް އެވޯޑް: ޓޫރިސްޓު 8 ފެސިލިޓީއަކަށް 10 އެވޯޑް
މިހާރު
11 އޮކްޓޯބަރު 2025 | ހޮނިހިރު | 10:58
ތިން ވަނަ މޯލްޑިވްސް ޓޫރިޒަމް އެވޯޑްސްގައި، ޓޫރިޒަމް ހިދުމަތްދޭ އަށް ތަނަކަށް 10 އެވޯޑެއް މިއަދު ދީފި އެވެ.
ޓޫރިޒަމް ދާއިރާގެ ހިދުމަތް ދޭ ގިނަ ފަރާތްތަކެއް ބައިވެރިވެ، ބާސެލޯ ނަސަންދުރާގައި ބޭއްވި ރަސްމިއްޔާތުގައި، އިންސާނީ ވަސީލަތްތައް ތަރައްގީ ކުރުމާއި މުޖުތަމައު ބާރުވެރިކުރުވުމާއި ތިމާވެށި ރައްކާތެރިކުރުމުގެ ދާއިރާއިން އެވޯޑުތައް ދީފައިވެ އެވެ.
އެ ރަސްމިއްޔާތުގައި ޓޫރިޒަމް މިނިސްޓަރު ތޯރިގު އިބްރާހިމް ވިދާޅުވީ، ޓޫރިޒަމްގެ ހިދުމަތްތައް ފާހަގަކުރުމަކީ އެ މިނިސްޓްރީއަށް ލިބޭ ބޮޑު އުފަލެއް ކަމަށެވެ. އޭނާ ވިދާޅުވީ، އެ ދާއިރާ ދެމެހެއްޓެނިވި ގޮތެއްގައި ކުރިއަށް ގެންދެވެނީ ދާއިރާގައި މަސައްކަތްކުރާ ހުރިހާ ފަރާތްތަކުންގެ ބުރަ މަސައްކަތުން ކަމަށެވެ.