ބާ އިމްތިހާނު 136 ކެންޑިޑޭޓުންނާ އެކު ބާއްވައިފި
މިހާރު
12 އޮކްޓޯބަރު 2025 | އާދިއްތަ | 11:50
މި އަހަރުގެ ބާ އިމްތިހާނު 136 ކެންޑިޑޭޓުންނާ އެކު އިއްޔެ ބާއްވައިފި އެވެ.
މި އަހަރު އިމްތިހާނުގައި ބައިވެރިވި 136 ކެންޑިޑޭޓުންނާ އެކު 2022 ގައި ތައާރަފްކުރި އަހަރަކު އެއް ފަހަރު ބާއްވަމުން އަންނަ ބާ އިމްތިހާނުގައި މިހާތަނަށް 641 ފަރާތަކުން ވަނީ ބައިވެރިވެފަ އެވެ.
ބާ އިމްތިހާނަކީ ގާނޫނީ ހިދުމަތް ދިނުމަށް ބޭނުންވާ އެންމެ އަސާސީ ގާނޫނީ އިލްމާއި ހުނަރު، އަލަށް ނުކުންނަ ގާނޫނީ ވަކީލުންގެ ކިބައިގައި ހުރިކަން ކަށަވަރުކުރުމަށާއި ފެންވަރު ވަޒަންކުރުމަށް ދޭ، ގާނޫނީ ދާއިރާއާ ގުޅުމަށް ބޭނުންވާ 'މިނިމަމް ބެންޗްމާކް' ކަނޑައަޅާ އިމްތިހާނެވެ.