ޓައީ އަޅަން ޖެހޭ ގޮތަށް މަޖިލީހުގެ ގަވާއިދު ބަދަލުކޮށްފި
މިހާރު
13 އޮކްޓޯބަރު 2025 | ހޯމަ | 3:04
ރައްޔިތުންގެ މަޖިލީހުގެ ފިރިހެން މެންބަރުން ޖަލްސާތަަކަށް ވަަޑައިގަންނަވާ އިރު، ގަމީހާ އެކު ޓައީ ނާޅުއްވައި، ކެޝުއަލްކޮށް ވަޑައިގަތުން މަނާވާ ގޮތަށް ރައްޔިތުންގެ މަޖިލީހުގެ ގަވާއިދު ބަދަލުކޮށްފި އެވެ.
ރައްޔިތުންގެ މަޖިލީހުގެ ގަވާއިދު ބަދަލުކުރަން އާއްމު ކޮމިޓީން ފުރަތަމަ ހުށަހެޅި ރިޕޯޓްގައި އޮތީ ޓައީ އަޅަން ލާޒިމްނުވާ ގޮތަށެވެ. ނަމަވެސް އެ ހުށަހެޅުން މިއަދުގެ ޖަލްސާގައި ފާސްކުރީ ޓައީ އަޅަން ޖެހޭ ގޮތަށް އިސްލާހަކާ އެކުގަ އެވެ.
މަޖިލީހުގެ ޖަލްސާއަށް ވަޑައިގެންނެވޭނީ ހަތަރު ބާވަތެއްގެ ހެދުން އަޅައިގެން ކަމަށް ކަނޑައަޅަން ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަހެޅުއްވި އިސްލާހު ފާސްކުރީ ވޯޓުގައި ބައިވެރިވެވަޑައިގަތް 47 މެންބަރުންގެ އިއްތިފާގުންނެވެ.