ރާއްޖޭގެ ދަނޑުގައި ތަޖިކިސްތާނުން ދިވެހި ޓީމު ތިން ލަނޑުން ބަލިކޮށްފި
މިހާރު
14 އޮކްޓޯބަރު 2025 | އަންގާރަ | 6:19
އޭޝިއަން ކަޕް ކޮލިފައިންގައި ރާއްޖެއާ ދެކޮޅަށް މާލޭގައި ކުޅުނު މެޗު 3-0 ން ތަޖިކިސްތާނުން މިއަދު ކާމިޔާބުކޮށްފި އެވެ.
މި ދެ ޓީމުގެ ފުރަތަމަ ލެގު މެޗުގައި މިދިޔަ ބުރާސްފަތި ދުވަހު ތަޖިކިސްތާނުގެ ވެރިރަށް ޑުޝާންބޭގައި ކުޅުނު މެޗު އެ ޓީމުން ކާމިޔާބު ކުރީ 2-0 ންނެވެ.
މި މެޗަކީ ދެ އަހަރަށް ފަހު ދިވެހި ގައުމީ ޓީމުން އަމިއްލަ ދަނޑުގައި ކުޅުނު ފުރަތަމަ މެޗެވެ. މީގެ ކުރިން ރާއްޖޭން އަމިއްލަ ދަނޑުގައި މެޗެއް ކުޅުނީ 2023 ގެ އޮކްޓޯބަރު 13 ގަ އެވެ.