ރާއްޖޭގެ ކުޅުމަށް ބަލައި 3-0 ގެ ނަތީޖާ ގަބޫލުކުރަން މޯހަން އަށް އުނދަގޫ!
މިހާރު
14 އޮކްޓޯބަރު 2025 | އަންގާރަ | 10:54
އޭޝިއަން ކަޕް ކޮލިފައިންގައި ތަޖިކިސްތާނާ ދެކޮޅަށް ރާއްޖޭން މިއަދު ދެއްކި ކުޅުމަށް ބަލައި 3-0 ގެ ނަތީޖާ ގަބޫލުކުރަން އުނދަގޫކަމަށް ގައުމީ ކޯޗު މުހައްމަދު ޝިޔާޒު (މޯހަން) ބުނެފި އެވެ.
މެޗަށް ފަހު އޭނާ ބުނީ މެޗުގެ ނަތީޖާ ފިޔަވައި ދިވެހި ޓީމުގެ ފަރާތުން ފެނުނު ކުޅުން ރަނގަޅު ކަމަށެވެ. ކުޅުންތެރިން ކުރި ބުރަ މަސައްކަތާއި ސަޕޯޓަރުން ދިން ތަރުހީބަށް އޭނާ ވަނީ ތައުރީފު ކޮށްފަ އެވެ.
"ޖުމުލަކޮށް މެޗަށް ބަލާލާކަމަށް ވަންޏާ، (ކުޅުންތެރިން) ކުރި ހިތްވަރާއި ދެއްކި ކުޅުމާ ދެތެރޭ ހިތްހަމަޖެހޭ،" ޕޯސްޓް މެޗު ޕްރެސް ކޮންފަރެންސްގައި ވާހަކަ ދައްކަމުން މޯހަން ބުންޏެވެ.