އިންގްލެންޑްގެ ކެޕްޓަން ހެރީ ކޭންގެ ގޯލަކާ އެކު 2-1 އިން ބޮރޫޝިއާ ޑޯޓްމަންޑް ބަލިކޮށް ބެޔާން މިއުނިކުން ބުންޑެސްލިގާގައި ކުޅުނު ހަތް ވަނަ މެޗު ވެސް ކާމިޔާބުކޮށްފި އެވެ.

ކޭންގެ ގޯލަކުން ލީޑު ކުރަމުން ދަނިކޮށް ދެ ވަނަ ގޯލު 79 ވަނަ މިނިޓުގައި ޖަހައިދިނީ މައިކަލް އޮލީސޭ އެވެ. ޑޯޓްމަންޑްގެ ލަނޑު 84 ވަނަ މިނިޓުގައި ޖެހީ ހޫލިއަން ބްރެންޓް އެވެ.

ކޭންގެ މި ގޯލާ އެކު އޭނާ ވަނީ ކްލަބް ކެރިއަރުގައި 400 ގޯލު ހަމަކޮށްފަ އެވެ. ކޭން ވަނީ ލޯނުގައި ލޭޓަން އޮރިއެންޓަށް ކުޅެމުން ފަސް ގޯލު ޖަހައިފަ އެވެ. އެއަށް ފަހު މިލްވޯލްގައި ނުވަ ގޯލު ޖެހި އިތު ލެސްޓަ ސިޓީއަށް ވަނީ ދެ ގޯލު ޖަހައިދީފަ އެވެ.

މައުޟޫޢުތަށް