މައިކަށް ލިބުނު ގެއްލުމުގެ ބަދަލު ހޯދަން ނިންމައިފި
މިހާރު
20 އޮކްޓޯބަރު 2025 | ހޯމަ | 2:09
މީޑީއާ ރެގިއުލޭޓްކުރާ ބިލް ފާސްކުރަން މަޖިލީހުގެ މިނިވަން މުއައްސަސާތަކާ ބެހޭ ކޮމެޓީން ބޭއްވި ބައްދަލުވުމުގައި ހިނގި ހަމަނުޖެހުންތަކާ އެކު މައިކަށް ދިން ގެއްލުމުގެ އަގު ނަގަން އިމްތިޔާޒާއި ސުލޫކް ކޮމިޓީން މިއަދު ނިންމައިފި އެވެ.
މިނިވަން މުއައްސަސާތަކުގެ ކޮމިޓީން މިދިޔަ މަހުގެ 15 ގައި ބޭއްވި ޖަލްސާގައި، މެމްބަރުންގެ މެދުގައި ހިނގި ހަމަނުޖެހުންތަކުގައި މައިކްރޮފޯނަކަށާއި ދެ މައިކްރޮފޯނުގެ ބޭސްއަށް ވަނީ ގެއްލުންވެފަ އެވެ.
އެހެންވެ، ކޮމެޓީން މިއަދު ނިންމާފައިވަނީ ގެއްލުނު މައިކަށް ހިނގާނެ ހަރަދު ހޯދުމަށް އިދާރީ ކަންކަމަށް ހުށަހެޅުމަށެވެ. އަދި އެ ތަފްސީލު ލިބުމުން ދެން ބާއްވާ ބައްދަލުވުމުގައި މައްސަލަ އިތުރަށް ދިރާސާކުރުމަށް މަޑަވެލި ދާއިރާގެ މެންބަރު މުހައްމަދު ޝަމީޒް ހުށަހަޅުއްވައި، ކިނބިދޫ ދާއިރާގެ މެންބަރު އަލީ އަޝްރަގު ތާއީދުކުރެއްވި އެވެ.