ތަޅުމުގައި ތިބި މެންބަރުން މަދުކަމުން، މީޑިއާ ކޮމިޝަންގެ މެންބަރުންނަށް ރުހުންދޭ ވޯޓު ނުނެގުނު
މިހާރު
20 އޮކްޓޯބަރު 2025 | ހޯމަ | 4:08
ރައްޔިތުންގެ މަޖިލީހުގެ މިއަދުގެ ޖަލްސާގައި ވޯޓަށް އަހަން ހުރި ކަންކަމަށް ވޯޓަށް އަހާ ވަގުތު ޖެހުނު އިރު ތަޅުމުގައި މެމްބަރުން ތިބި އަދަދު މަދުކަމުން މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގެ މެންބަރުން ކަމަށް ރައްޔިތުންގެ މަޖިލިހުން އައްޔަންކުރާ ބޭފުޅުންނަށް މަޖިލިހުން ރުހުން ދިނުމަށް މިއަދުގެ ޖަލްސާގައި ވޯޓަށް އެހޭ ގޮތެއް ނުވި އެވެ.
އެހެންވެ، މިއަދުގެ ޖަލްސާގައި އެ ވޯޓު ނެގެން ނެތްކަން އިއުލާން ކުރައްވަމުން މަޖިލީހުގެ ރިޔާސަތުން، ނައިބުރައިސް އަހުމަދު ނާޒިމް ވިދާޅުވީ ގާނޫނުގައިވާ ގޮތުން އެ ވޯޓު ނެގޭނީ މަޖިލީހުގެ ޖުމްލަ މެމްބަރުންގެ އަޣުލަބިއްޔަތު ހަމަވާ ވަރަށް މެންބަރުން ތިއްބަވައިގެން ކަމަށެވެ.
އޭނާ ވިދާޅުވި ގޮތުގައި، މީޑިއާ ކޮމިޝަންގެ މެމްބަރުން ކަނޑައެޅުމުގެ ވޯޓު ނެގުމަށްޓަކައި 47 މެންބަރުން މަޖިލިހުގެ ތަޅުމުގައި ހާޒިރުވަޑައިގެން ތިއްބަންޖެހެ އެވެ.